De straot op

Kinrooi - Op z'n Kinders.

De straot op

Edere nacht dae ich nog doorbring
in mie bèdtje zaocht en werm
dink ich aan diej daakloeëze
laevendj oppe straot och-erm

Es ’t vruustj of es ’t raengendj
beeldj uch det mer effen in
wae nog lulle in oos weeldje
“Oos laeve heet neet veul zin”

Waat mótte diej vlöchtelinge
den waal zègke op tèl en spróng
es ze snachs ligke te bibbere
in ein gazèt of get kartóng.

Kinders, Theo Van Dael.

Door Theo Vandael